Олоҕун олуктара
1931 сыллаахха кулун тутар 19 күнүгэр Саха АССР Сунтаар оройуонун Бастакы Бордоҥ нэһилиэгэр төрөөбүт.
1956 сыллаахха Бүлүүтээҕи педагогическай училищены бүтэрэн, Өлөөн улууһугар ананан, Сухана, Харыйалаах, Кирбэй начальнай оскуолаларыгар учууталлаабыт.
1960 сыллаахха Саха государственнай университетын саха тылын уонна литературатын салаатын туйгуннук үөрэнэн бүтэрбитэ. Сунтаар оройуонугар саҥа аһыллыбыт Элгээйи аҕыс кылаастаах оскуола-интернатка завуһунан ананар, 30-ча сыл иитээччинэн уонна саха тылын учууталынан үлэлээбит.
Кондратьев, А. Ийэ мичээрэ// Аптаах холбуйачаан : Хоһооннор, остуоруйалар, кэпсээннэр, таабырыннар / Хомуйан оҥордо Г.А.Кирова. — Дьокуускай : Бичик, 1999.-с. 146; то же Кэскил : Төрөппүт, детсад иитэччитэ оҕоҕо ааҕар кинигэтэ / Хомуйан оҥордулар: А.А. Егорова, М.П. Захарова. — 2-с эбэн, тупсаран таһаарыы. -Дьокуускай : Бичик, 2002.- с.67; то же Лоокуут тойуга : оҕолорго хоһооннор / Аким Кондратьев ; [Т. Е. Шапошникова ойуулара]. -Якутскай : Саха сиринээҕи кинигэ изд-вота, 1988.- 24 с. : ил.-с.13
ИЙЭ МИЧЭЭРЭ
Ийэ мичээрэ
Истиҥ, кэрэ:
Күн уотуттан
Күндү курдук,
Көй салгынтан
Күүстээх курдук.
Ийэ мичээрэ
Злбэххэ үөрэтэр:
Эйэҕэс буоларга,
Эйэни буларга,
Сырдыгы эрэ
Сыдьаайа сылдьарга.
Ийэ мичээрэ
Искэр иҥэрэр:
Олоххо тапталы,
Бар дьоҥҥо махталы,
Эр хорсун санааны,
Эрэллээх буолууну.
Кондратьев, А. Кэкэ-бука : Кыра саастаах оҕолорго хоһооннор / — Дьокуускай : Саха сиринээҕи кинигэ издательствота, 1975. — с.16 : ил. Кэкэ-бука Кэкэ-бука — Кыра чыычаах. Көппөт ыраах — Кыстыыр маска, Хатырыкка, Мутукка Хачыгырайар, Хатаастар. Кэкэ-бука — Кэрэ чыычаах — Кэпсиир-ипсиир Кэмчи тыллаах. Кини, бука. Кыра дьоннуун Толлубакка Доҕордостун!
Энтузиаст — учуутал, поэт, журналист, суруйааччы, РСФСР уонна ССРС үөрэҕириитин туйгуна Аким Андреевич Кондратьев айымньылара: elib.sunlibrary.ru/а-кондратьев/